Retour à la page d'accueil
Plan du site
Aide - Mode d'emploi du site
Moteur de recherche
Les pages à ne pas manquer
Les nouveautés du site
Site in English
Envoyer un courriel
Le Terrier de Conforgien
Le texte
Histoire
Visites des lieux
Boite à outils
Seigneurs et manants du 16e S
A propos du site
Retour au début du chapitre Retour au menu principal
Déclaration d'Aulbain LAURRE

 

Texte
Commentaires Vocabulaire

Sensuyvent les recongnoissances des meix tenemenz et heritaiges tenuz et posseddez soubz ledit seigneur de Conforgien par les hommes femmes et subietz dudict Conforgien assis ou finage dudict lieu comancez par lesdictz subietz a declarer pardevant moy ledit commis le dixiesme jour du mois de janvier lan mil cinq cens cinquante sept

CONFORGIEN

Voir la chronologie dela confection du terrier 10 janvier 1557

Tous les habitants de Conforgien et Beaumont "ténementiers" de terres à l'intérieur de la seigneurie déclarent individuellement leurs maisons et parcelles de prés, terres, bois etc.

Cette déclaration sert de rôle fiscal pour les redevances en argent et en nature dues au seigneur.

Structure générale d'une déclaration

meix
tenemens
heritaiges
subietz : sujets

Declaration de Aulbain Laurre

Aulbain Laurre demeurant a Conforgien homme justiciable corveable taillable et mainmortable dudit Guy de Cluny escuyer seigneur dudict Conforgien a cause de sadicte justice et seigneurye haulte moyenne et basse audit lieu de scertaine science pure frainche et liberalle volonte pour la pure et vraye verite dire recongneste et confesse et que ainsi luy plaict pour luy ses successeurs habitans et ayans cause au temps advenu recongnoist et confesse tenir et pourter audit lieu et finaige de Conforgien soubz ledict sieur et en sa totalle justice aulte moyenne et basse lesdictz meix tenemens et heritaiges cy apres declarez soubs les charges y designees envers ledict sieur a iceulx et a ses successeurs seigneurs dudict Conforgien payables es termes fixes declares ainsy que sensuyt

 

: la justice seigneuriale haute moyenne et basse

mainmortable / mainmorte

recogneste : reconnaît

Premierement une maison contenant quattre chastz tant en demeurance grange que toictz assis audict lieu de Conforgien avec la court devant en laquelle est encloux le jardain aysances et appartenances enssemble une piece de terre devant ladicte maison contenans six journaulx le tout en ung encloux tenant dung long au chemin commung tendant dudict Conforgien a Saulieu daultre long a ung aultre chemin tendant dud Conforgien au molin de monseigneur dung bout tenant a Philibert Regnault dict Moireaul daultre bout es terres de Monsieur sur lesdictz six journaulx charges de tailles de deux solz six deniers aviene de ung boisseaul deux tiers de costume

journal, soiture, boisseaul: poids et mesures

sols et deniers tournois : Pour en savoir plus monnaie

chastz : travée de maison
encloux : enclos
tailles : impôt de la taille
aviene : avoine

costume : coutume

Preys

Item une piece de prey et terre assize audict finage le tout en ung encloux au lieudict Au Ruaulx contenant environ en tout trois soictures dont il dict avoir puissance dud seigneur dy mestre et prandre leaue de la riviere pour abreuver ledict prey tenant dung long au chemin tendant dud Conforgien au bois dAncroy daultre long a Claude Millereaul et au prey dudict seigneur dung bout aud prey appelle Le Ruaulx appartenant a Monseigneur et daultre bout a Claudin Millereaul ladicte piece de prey chargee de trois deniers de cense et cinq gros de tailles

Pour en savoir plus chemins

Pour en savoir plus bois

prey : pré
finage
cense / impôt du cens
tailles : impôt de la taille

Item une aultre piece de prey contenant environ trois soitures assize audit finaige au lieudict Es Petites Moilles tenant dung long au prey de Berthelemy Regnault daultre long au bois et buisson de Jacques et Philibert Regnault et de Claude Millereaul dung bout au chemin allant aud Boys dAncroy daultre bout a la queuhe de lestang de Monseigneur appelle lestang du Bapteur ladicte piece de prey charge de deux deniers de cense et de tailles quattre solz deux deniers tournois

   

Item une aultre piece de prey assize audict finaige au lieudict Es Grandes Moilles contenant environ trois soitures de prey avec le buisson y estant tenant dung long es vesve et hoire de fieu George Laurre daultre long a Berthelemy Laurre dung bout tenant au chemin estant joignant au bois dAncroy appartenant a Monseigneur daultre bout au bois buisson de Loys et Philibert Regnault et audict bois dAncroy ladicte piece de prey charge de deux deniers de cense tailles cinq solz tournois

  vesve : veuve
hoir : héritier

Item une aultre piece de prey et buisson assis audict finaige au lieudict Au Prey du Molin contenant en tout environ une soiture tenant dung long au prey de Jacques Regnault dit Carlin daultre long a laisance de la chaussee de lestang de Monseigneur dung bout au chemin tendant dud Conforgien au molin dudit seigneur et daultre bout au bois de mondit seigneur appalle le bois dAncroy ladicte piece de prey chargee dung denier cense et dix deniers de tailles tournois

  molin : moulin

Item une aultre piece de prey assize aud finaige appelle le Corthil au Reboucheu contenant demye soiture ou environ tenant dung long a la voye commune allant audit bois dAncroy daultre long tenant a la terre de mondit seigneur dung bout tenant a Jacques Regnault dict Carlin daultre bout tenant es Chaulmes Dessoubz ladicte piece de prey charge dung denier cense et de tailles dix deniers tournois

  voye ou vye : voie, chemin

Item une aultre piece de prey contenant environ une soiture assize aud finaige au lieudit Es Preaux tenant dung long aux preys de la vesve et heritiere de Philibert Regnault dict Boirot daultre long au prey de Philibert Regnault dict Moireaul dung bout tenant au prey de Philibert et Jacques Regnault et daultre bout au prey dud seigneur de Conforgien ladicte piece de prey charge dung denier cense et vingtz deniers tournois de tailles

  vesve : veuve

Item une aultre piece de prey tant terre que buisson assis audict finaige appelle en lEscluze tenant dung long au prey de Claude Millereaul daultre long a la voye commune qui vad de Conforgien au bois dAncroy dung bout tenant es terres dud recongnoissant daultre bout a la terre de Jacques Regnaut dict Moireaul ladicte piece de prey chargee de cinq deniers de taille

  recoignoissant : celui qui fait reconnaissance, aveu - Ici, Aulbain Laurre

Terres

Item une piece de terre contenant environ six journaulx assize audict finage au lieudict de Champt Artoulx tenant dung long au prey et terre de mondict seigneur au lieudit et appelle au Ruaul daultre long a la terre de Tossainctz Regnault et de Guillemette Regnault dung bout tenant au prey de Philibert Regnault dict Moireaul daultre bout a la terre de Jacques Regnault dict Moireaul charge de deux solz six deniers tournois de tailles et trois boisseaulx adviene de costume

  adviene : avoine
costume : coutume

Item une aultre piece de terre contenant ung journal ou environ assise aud finaige au lieudict Es Corthilz tenant dung long au prey dudict seigneur appelle le prey de la couhee daultre long a la voye commune tendant de Beaulmont a Saulieu dung bout a la terre des vesve et hoirs de Loys Laurre daultre bout a la terre dudit recongnoissant cy apres declaree ladicte piece de terre chargee de quinze deniers tournois de tailles

   

Item une aultre piece de terre assise audict finaige au lieudict Es Cortilz contenant environ ung journal tenant dung long a la terre des vesve et hoirs de George Laurre dung long a la terre de ladicte vesve et hoirs dung bout a la terre de ladicte vesve et hoirs ladicte piece de terre chargee de quinze deniers tournois de tailles

  vesve : veuve
hoir : héritier

Saufz a tenir les dessus heritaiges leurs aultres meilleurs et plus vrayz confins

Sur lesquieulx heritaiges dessus declarez ledit recongnoissant pour luy ses successeurs perpetuellement promebt payer et rendre aud sieur et a ses successeurs chacun an les charges et redebvances cy dessus declarees monstans asscavoir cense dix deniers tournois pourtant leur retenue remmage et emande de sept solz tournois envers ledict sieur a deffault de payer iceux cense au jour et feste de notre dame de marz tailles dix sept gros et un blanc vaillant vingt huit solz neufz deniers chacun an par moitier es jour et festes de Monseigneur Sainctz Berthelemy et Nativite Nostre Seigneur

Costumes davieyne quattre boisseaul deux tiers de boisseau combles mesure dudict seigneur a une chacune feste Sainct Martin dyvert en son chastel et et en ses greniers avec les corvees tant de charue pour laborer les terres dudict sieur que les corvees de brais et la corvee daller querir le vin au beaulnois selon quil est declare des pappiers des recongnoissances generalles cy devant enssemble y sont la polle de costume chacun an dehuz audict sieur selon lesditz articles des recongnoissances generalles precedentes que ledit recongnoissant aussi payera chacun an et rendra audict sieur es termes surce prefix et promebt faire valloir soubstenir et maintenir lesditz meix tenemens et heritaiges cy dessus en telle et si bonne reparation que lesdites redebvances y soient bien assignes prinses et payees ung chacun an et aussi de satisfaire aux aultres charges declarees esdites recongnoissances generalles chacun an envers ledit sieur par leur forme et teneur et audict effect a submis et oblige submest et oblige tous et chacun ses biens meubles et heritaiges presens et advenir quelzconques et ceulx de ses successeurs et heritiers aux cours du roy nostre sire et de la chancellerie de son duche de bourgoigne pour en estre contrainctz et compellyz ainsi que de chose cogneue et adjugee par le serment pource par luy preste aux sainctz evangilles de Dieu es mains de moy ledit notaire et commis a renonce et renonce a touttes choses generallement quelzconques contraires aux presentes mesmement au droit disant que generallement renonciation ne vault si lespecial ne precede le tout en la presence dudict Mathieu Gentot capitaine et procureur dudict sieur pour lui et ses successeurs present stipulant et acceptant
faict et passe audict Conforgien presents Berthelemy Laurre Philibert Regnault dict Moireaul Philibert et Loys Regnault dit Carlin dudit Conforgien tesmoings ad ce requis

Total de l'imposition d'Aulbain Laurre :

cens : dix deniers tournois dus au jour de la fête de Notre Dame de mars (Annonciation)

tailles : dix sept gros et un blanc valant vingt huit sols neuf deniers à payer par moitié le jour de la Saint Barthélemy et Nativité de Notre Seigneur

coutumes d'avoine : quatre boisseaux deux tiers, combles, mesure du seigneur à payer pour la Saint Martin d'hiver (11 novembre)

Pour en savoir plus dates et calendrier

 

Retour en haut de la page